係咁的 話說今日就黎十點先識爬起身, 食埋個飽都成十一點。  
今日無畀ＪＲ屈機了 搭番架普通既車去奈良。 一到著, 當時又要搵information center拎地圖呀資料呀呢d野啦。 案內所入面d姨姨又係識講英文的, 真好。 拎完資料後 我地就順便買番個巴士pass, 點不知原來係用唔著…      
 
   
好 黎奈良就梗係要去 奈良公園 睇鹿 啦! 我地就沿住呢條 三条通 直去 奈良公園, 行左半個鐘 就經過 興福寺。入面有出哂名既 三重塔 同 五重塔, 不過我居然無影到 五重塔…. 又 呢到已經有鹿出沒！ｄ鹿好醒的 一見到有人買鹿餅就圍住果條友 就算派哂都會圍多一陣。 見到幾隻鹿就滿足？去到奈良公園你就知！ 出左興福寺就發現頭上落左幾滴雨 好彩過左一陣就停, 如果唔係就奶野勒。      
入左奈良公園既範圍, 就已經周街都係鹿, 個感覺就好似我地入侵左鹿既陣地咁。      
沿住條石路行多陣 就到左南大門, 即係到左東大寺既範圍。東大寺又係世界遺址, 日本真係通街都有世界遺址。 呢樹係最多鹿既地方, 亦都係鹿餅最好賣既地方, 我地既勇士芒就身先士卒 去左感受下畀鹿圍既感覺….  
    入到去東大寺, 有佛像又有好多其他唔知咩像。同場加映一班國語人響度玩呢個聲稱學韓信咁穿過個窿就會健康既柱。 有個細路入左去唔敢捐番出黎, 要佢老豆全程鼓勵佢先敢捐, 我真係想一野就拉佢出黎。      
     
離開東大寺就繼續響奈良公園用圍行。 又有同場加映玩, 響一間賣souvenir既鋪頭見到個小朋友, 佢見到我地就好似響荒島見到女一樣, 係咁撩我地玩。最後仲玩到唔畀我地走添, 咁當然一個小朋友係阻唔到我地的。   
 
之後既目的地係 春日大社, 呢段路真係又行左成大半粒鐘, 最衰係無巴士搭。 我地無入到主社 因為又係要畀錢的。如果我地行左一大半就沿路離開奈良公園。      
    
跟住就行勁遠先有巴士站, 出番去奈良駅先食lunch, 當時係兩點半。食完野就諗住行下奈良d博物館仔, 但係除左工藝館外 全部都休哂息, 浪費哂我地d腳骨力。咁見無野好行, 諗住打道回府, 但係最後都去左難波。    
都係行下呢個 心齋橋呀 道頓堀呀一帶咁啦。 食唔到 自由軒既咖哩飯…因為間野好似搬鬼走左, 唔知去左邊。最後食呢街邊大阪燒, 幾好。 又 上左去大阪飛腳專門店(其實應該唔係 不過是但啦), 咁 d波衫一早就知超貴, 不過佢都有 練波衫賣 不過都要成4000yen, 但係黎到大阪 無奶油唔拎番幾條飛腳既腳毛番黎架, 最後都買左了。 Hea多一陣就番歸, 是日大概係咁。      
    
j神精彩預告： 聽日主菜 北野異人館, 各種歐陸風格既屋任你睇(不過當然要畀錢) | 
